Британия парламентининг 220 нафар депутати Кир Стармерни Фаластин мустақиллигини тан олишга чақирди
Бу ҳақда The Guardian нашри хабар берди.
«Мамлакатимиз Фаластиннинг эркинлиги ва мустақиллигини таъминлаш имкониятига эга эмаслигини тушунсак-да, Буюк Британия томонидан тан олиниши муҳим таъсирга эга бўлар эди — бу бизнинг тарихий алоқаларимиз ва БМТ Хавфсизлик Кенгашидаги аъзолигимиз билан боғлиқ», дейилади мурожаатда.
Стармернинг таъкидлашича, Фаластин давлатининг яратилиши — Яқин Шарқдаги вазиятни барқарорлаштириш йўлларидан биридир.
«Фаластин давлатини тан олиш бу қадамлардан бири бўлиши шарт. Бу менинг ягона позициям», — деб ёзди Стармер Х ижтимоий тармоғида.
У бу масалада яқин иттифоқчилар билан ишлаётганини қўшимча қилди.
Эслатиб ўтамиз, 24 июл куни Франия президенти Эммануэл Макрон Париж яқин орада Фаластинни мустақил давлат сифатида тан олишини эълон қилган эди.
