Тошкентда чет эл фуқаросига носвой чектирмоқчи бўлган шахс ушланди (+Видео)
Тошкентда номаълум шахс чет эл фуқаросига носвой чекишни таклиф қилаётгани акс этган видео ижтимоий тарқларга сиздирилди. Ушбу ҳолат юзасидан Тошкент шаҳар ИИББ Матбуот хизмати хабар берди.
Аниқланишича, жорий йилнинг 25 январь куни Тошкент шаҳар Чилонзор туманида жойлашган истироҳат боғларининг бирида, 2006 йилда туғилган М.К. чет эл фуқаросига носвой тамаки маҳсулотини чекишни таклиф қилган ҳолда уятли сўзлар билан сўкиниб, жамиятда юриш-туриш қоидаларини қасддан бузган.
Мазкур ҳолат юзасидан Чилонзор тумани ИИО ФМБ томонидан М.К.га нисбатан МЖтКнинг 183-моддаси (майда безорилик) билан маъмурий баённома расмийлаштирилди. Тўпланган ҳужжатлар қонуний чора кўриш учун жиноят ишлари бўйича туман судига юборилган.
