Бугун эрта тонгда Покистон ва Афғонистон ҳам бир бирини гўштини ейишни давом этказди!..

КОБУЛ, 1 март — Синьхуа агентлиги. Покистон Афғонистон пойтахти Кобулга яна ҳужум уюштирди, шаҳарда ҳаво ҳужумидан мудофаа (ҲҲМ) тизимлари ишламоқда.

«Якшанба куни маҳаллий вақт билан эрталабки соат 05:40 атрофида Афғонистон пойтахти Кобул Покистон авиацияси томонидан ҳужумга тутилди. Бу бир қатор портлашларга ва Афғонистон ҲҲМ кучларининг ҳаводаги нишонларга қарата жавоб ўтини очишига сабаб бўлди», — дейилади хабарда.

Маълум қилинишича, зарбалар серияси тахминан 20 дақиқа давом этган.

Вазиятнинг кескинлашуви:

• Самолёт уриб туширилди: Бундан аввал афғон ҳарбийлари Нангархар вилоятида Покистон Ҳарбий-ҳаво кучларига қарашли самолётни уриб туширгани ва учувчини асирга олгани маълум бўлган эди.

• «Қасос амалиёти»: «Ariana News» телеканалининг хабар беришича, Афғонистон Покистон билан чегарада янги «қасос ҳужумлари»ни бошлаган. Манбаларга кўра, жанглар Хост вилоятининг бир нечта ҳудудларида давом этмоқда. Шартли чегара чизиғи бўйлаб Покистон позицияларига ҳужумлар уюштирилмоқда.