Эрон президенти Масуд Пезешкиан халққа мурожаат қилди (Видеобаёнот)
«Биз душманларимизни уларнинг базалари ва имкониятларини йўқ қилиб, умидсизликка солиб қўямиз. Уларнинг режалари олдида бирдам бўлишимиз керак», деди у Эрон ОАВлари орқали тарқатган мурожаатида.
Эрон президенти Масуд Пазешкиан АҚШ-Исроил ҳужумларидан кейин биринчи марта камера қаршисига чиқди. Эрон давлат телевидениеси орқали эфирга узатилган видеомурожаатда Пазешкиан муваққат Раҳбарлар кенгаши бугундан бошлаб ўз вазифасини бошлаганини айтди. Пазешкиан Эрон армияси АҚШ-Исроил ҳужумларига жавоб қайтаришда давом этишини таъкидлади. Олий раҳбар Али Хоманаий Исроил-АҚШ ҳужумида нишонга олинганидан сўнг тузилган уч аъзолик муваққат раҳбарият кенгаши етакчи ваколатларини амалга оширади. Эроннинг янги раҳбарини диний уламолардан ташкил топган 88 кишилик Экспертлар Ассамблеяси аниқлайди.
