Трамп: "Тозза чарчатиб юбординглар!.. Айтганим қил, Э-р-о-о-н!!! Ёлғончига чиқарма, илтимос!.. "

2 апрель кечаси АҚШ Президенти Дональд Трамп Эрон бўйича халққа мурожаат қилди. Ушбу нутқ зафарли риторика, иқтисодий оқловлар ва кескин ултиматумлардан иборат бўлди.

Асосий маҳсуллар:

Ҳарбий ҳолат: Трамп АҚШ кучлари Эронда «ажойиб» ҳаракат қилаётганини ва стратегик мақсадларга эришишга яқин қолганини айтди. У ҳалок бўлган 13 нафар америкалик ҳарбийни қаҳрамон деб атади.
Иқтисодий муаммолар: АҚШда бензин нархи рекорд даражада (4,06 доллар) кўтарилганини Трамп «вақтинчалик ҳолат» деб атаб, бунда Теҳронни айблади. Шунингдек, у иттифоқчиларни Ҳурмуз бўғози хавфсизлигини ўзлари таъминлашга чақирди.
Ижтимоий фикр: CNN сўровига кўра, америкаликларнинг фақат 34 фоизи Трампнинг Эрон сиёсатини қўллаб-қувватламоқда, 66 фоизи эса унга қарши.
Якуний ултиматум: Трамп Эроннинг янги раҳбариятига келишув учун 2-3 ҳафта муҳлат берди. Агар келишув бўлмаса, у Эроннинг барча энергетика ва нефть инфратузилмасини йўқ қилишга ва мамлакатни «тош даври»га қайтаришга ваъда берди.
Музокаралар ва режалар: Вице-президент Жей Ди Вэнс Теҳрон билан яширин музокараларга масъул этиб тайинланган. Шу билан бирга, Пентагон Эроннинг стратегик оролларига қарши «чекланган қуруқликдаги операция» режасини тайёрламоқда.
Иттифоқчилар билан муносабат: Исроил АҚШнинг эҳтимолий келишувидан қатъи назар, Эрон ядро дастурини йўқ қилмагунча тўхтамаслигини билдирган. Трамп эса Европа давлатларини қўллаб-қувватлов бермаётганликда айблаб, НАТОдан чиқиш билан яна бир бор таҳдид қилди.