CNN: Эрон Саудия Арабистонидаги авиабазада АҚШнинг муҳим радарини йўқ қилди
Радарнинг 2025 йилдаги қиймати 136 миллион долларни ташкил этган.
CNN: Спутник орқали олинган фотосуратларга таяниб CNN телеканали хабар беришича, Эроннинг Саудия Арабистонидаги авиабазага уюштирган ҳужуми давомида THAAD ракеталарни тутиб қолиш тизимининг таркибий қисми бўлган АҚШнинг ўта муҳим AN/TPY-2 радари йўқ қилинган.
Радар «Принц Султан» базасидаги бир нечта ҳаракатланувчи трейлерларга ўрнатилган эди. Ҳозирда у чодирли бошпанадан олиб чиқилган. Қурилмада куйиш излари кўриниб турибди, шунингдек, унинг катта бир қисми йўқ.
АҚШ Ракетага қарши мудофаа агентлигининг (THAAD дастури учун масъул) маълумотларига кўра, ушбу радарнинг 2025 йилдаги қиймати 136 миллион долларни ташкил этган.
Бундан аввалроқ, 2 апрель куни IRIB давлат телерадиокомпанияси Эрон дронлари Иорданиядаги «Ал-Азрак» базасида жойлашган АҚШ қирувчи самолётларига ҳужум қилгани ҳақида хабар берган эди.
