Қатар расмийлари Теҳронга ҳужумларни тўхтатиш учун пул тўланганми?

Қатар Ташқи ишлар вазирлиги расмий вакили Мажед ал-Ансари «Al Jazeera» телеканалига берган интервьюсида Эрон ҳужумлари камайганини, аммо «тўхтамаганини» таъкидлади. Унинг қўшимча қилишича, Форс кўрфази давлатларидан бирига қилинган ҳужум барча мамлакатларга қилинган ҳужум деб ҳисобланади.

Шунингдек, у Қатар ўз ҳудудига ҳужумларни тўхтатиш учун Эронга ҳақ тўлаётгани ҳақидаги даъволарни инкор этди.

«Қатар ўзига нисбатан ҳужумларни тўхтатиш эвазига пул тўламайди», — деди ал-Ансари ва Қатар Эрон ҳужумларини ҳавода тутиб қолаётганини қўшимча қилди.

Ал-Ансарининг сўзларига кўра, Теҳрон фақат ҳарбий объектларни нишонга олаётганини даъво қилса-да, амалда Эрон фуқаролик ва саноат объектларига ҳужум қилган.