АҚШда Эроннинг собиқ вице-президентининг ўғли қўлга олинди ва Грин-картадан маҳрум қилинди

АҚШ расмийлари Эроннинг хотин-қизлар ва оила ишлари бўйича собиқ вице-президенти Масуме Эбтекарнинг ўғли Иса Ҳошимийни қўлга олди. Давлат департаменти баёнотига кўра, Ҳошимий, унинг рафиқаси ва ўғлининг доимий яшаш ҳуқуқи (Грин-карта) бекор қилинган. Маълум қилинишича, ушбу оила 2014 йилда АҚШга келган ва 2016 йилда қонуний резиденлик мақомини олган эди. Ҳозирда улар депортация қилинишини кутмоқда.

Бундан ташқари, АҚШ маъмурияти Эрон сиёсий ва ҳарбий элитасининг бошқа аъзоларига нисбатан ҳам шундай чораларни қўллаган. Жумладан, 2020 йилда ҳалок бўлган генерал Қосим Сулаймонийнинг яқин қариндошлари ҳамда Миллий хавфсизлик олий кенгашининг собиқ котиби Али Ларижонийнинг қизи ва куёвининг ҳам Грин-карталари бекор қилиниб, мамлакатга кириши тақиқланган.