Эркакнинг ишқий ёзишмаларни фош қилиш билан қўрқитиб, пул талаб қилган дугоналар ушланди(видео)

Бухорода эркакнинг ишқий ёзишмаларни фош қилиш билан қўрқитиб, пул талаб қилган дугоналар ушланди.

Бухоро вилоятининг Вобкент туманида 2026-йил 17-апрел куни 33 ёшли эркак ИИБга мурожаат қилиб, таниш аёл томонидан пул талаб қилинаётганини билдирган. Терговга кўра, аёл ва унинг шериги жабрланувчининг шахсий ёзишмаларини ошкор қилиш билан таҳдид қилиб, ундан 6 млн 800 минг сўм талаб қилган.

Кейинчалик улар вазиятдан моддий фойда олиш мақсадида босимни давом эттирган. Тезкор тадбир давомида гумонланувчилар пул олаётган вақтида ашёвий далиллар қўлга олинган. Ҳолат юзасидан жиноят иши қўзғатилган, тергов давом этмоқда.