Нетаньяҳу: Исроил ҳарбий салоҳиятига 119 млрд доллар сармоя киритади
Биньямин Нетаньяҳу мамлакат ўз ҳарбий қудратини мустақил равишда ривожлантириш учун катта миқдорда сармоя ажратишини маълум қилди.
Унинг сўзларига кўра, Исроил келгуси йилларда миллий қурол-яроғ тизимларини ишлаб чиқишга 119 миллиард АҚШ доллари йўналтиради.
Нетаньяҳу таъкидлашича, бу қарорнинг асосий мақсади — давлатнинг ташқи мамлакатларга ҳарбий жиҳатдан қарамлигини камайтириш ва стратегик мустақилликни таъминлашдан иборат.
Мазкур режа Исроилнинг мудофаа соҳасида ўз технологиялари ва ишлаб чиқариш қувватларини кенгайтиришга қаратилган.
