Туркия энди ўша Туркия эмас, дунё ҳам аввалги дунё эмас – Эрдўған
Туркия Президенти Ражаб Тойиб Эрдўған Европа Иттифоқини танқид қилиб, Туркияга нисбатан сиёсий ёндашувни қайта кўриб чиқишга чақирган. Унинг айтишича, айрим Европа институтларида Туркияга нисбатан “стратегик кўрлик” ҳали ҳам мавжуд.
Эрдўған Европа Иттифоқи Туркиясиз глобал куч марказига айлана олмаслигини таъкидлаб, Анқара билан муносабатларда тенг ва конструктив ёндашув зарурлигини билдирган.
У шунингдек, дунё янги, кўп қутбли тизимга ўтаётганини, Туркия эса бу янги халқаро тартибда муҳим марказлардан бири бўлишга тайёр эканини айтган.
