Шундай бўлибди. Мана, орадан ҳеч қанча вақт ўтмай, мухлислар сунъий интеллект ёрдамида бу барака топгурларнинг карикатураларини «чизиб» ташлашибди. Ҳали ЖЧ (Жаҳон чемпионати) бошлангани йўқ. Улар бор-йўғи биринчи ўртоқлик учрашувида ютқазишди. Агар бу ҳол такрорланадиган бўлса, футболчиларимиздан бирортасининг ҳам кўзини очирмай қўйишади. Каннаварога бўлса, сичқоннинг ини минг танга бўлиб қолиши ҳам ҳеч гап эмас. Шундай экан, ҳурматли футболчилар, иложи борича қандайдир натижа кўрсатинглар!..
