Месси Роналдунинг рекорднии янгилади
Лионель Месси жаҳон чемпионатлари тарихида яна бир рекордга муаллифлик қилди. 38 ёшли аргентиналик юлдуз ўзининг олтинчи мундиалида Жазоирга қарши учрашувда хет-трик қайд этиб, терма жамоасига 3:0 ҳисобидаги ишончли ғалабани тақдим этди.
Бу натижа орқали Месси мундиаллар тарихида хет-трик қайд этган энг ёши катта футболчига айланди. У бу ютуққа 38 ёш 357 кунлигида эришди ва шу билан аввалги рекорд соҳиби — 2018 йилги жаҳон чемпионатида 33 ёш 130 кунлигида хет-трик муаллифи бўлган Cristiano Ronaldo натижасини ортда қолдирди.
Қизиғи шундаки, португалиялик ҳужумчи бу рекордни узоқ куттирмасдан янгилаш имкониятига эга. Cristiano Ronaldo бошчилигидаги Португалия терма жамоаси бугун ДР Конгога қарши баҳс билан турнирдаги иштирокини бошлайди. Айни пайтда 41 ёшни қарши олган Роналду Мессининг янги рекордига жавоб қайтаришга уриниб кўради.
