Алишер Қодиров футболчиларга: «Конго билан ўзингиз учун ўйнанг, футболчи нонини еяпсиз, ғурурингизга ўт тушди»
Депутат Алишер Қодиров Португалияга қарши ўйинда йирик ҳисобда мағлубиятга учраган Ўзбекистон миллий терма жамоаси футболчиларини танқид қилди.
«Ҳа, сиз бунга лойиқ эмассиз деб айта олмайман, чунки майдон текис, тўп юмалоқ ва уларда сиздан ортиқ ўйинчи, оёқ ёки қўл йўқ эди, лекин сиз бунга рози эмассиз, умид берадиган қисми шу ерда…
Босим бўладими, момақалдироқ чақадими — Конго билан ўйинни биз эмас, ўзингиз учун ўйнанг, футболчи нонини еяпсиз, ғурурингизга ўт тушди, адашмасам…
Кейин, Каннаваро Беҳруз, Аббос ва Абдуқодирга ўхшаган, олдимиздаги иккита жаҳон чемпионатига чиқиш ва сифатли ўйнашга қодир бўлган 30 талигини шакллантириши керак. Бу мундиалда жамоани ярми бўлоладиган дарвозабон йўқ эди, жиддий бўшлиқ.
Фикрим ўзгарди, Осиё кубогини олиш деган хомхаёл билан бирга таркибдаги “хизмат кўрсатган”лардан кечиб, шу мусобақанинг ўзидаёқ кейинги саралаш даврида ишлайдиган таркибни ўйнатиш керак.
Осиёнинг зўр ва энг зўрлари аниқ ва биз у ерда эмасмиз», деб ёзади у.
