Холанднинг отаси Англияга мурожаат қилди
Норвегия терма жамоаси ҳужумчиси Эрлинг Холанднинг отаси Альфи Холанд жамоанинг Англияга қарши мағлубияти ҳақида ўз фикрини билдирди.
«Ҳакам сизларни қутқарди. Энди умид қиламанки, жаҳон чемпионлигини қўлга киритасизлар. Лекин бизни оддийгина талон‑тарож қилишди, деб ўйлайман», – деди Холанд‑катта.
Эслатиб ўтамиз, Англия терма жамоаси жаҳон чемпионати‑2026 чорак финалида Норвегияни мағлуб этди. АҚШнинг Майами‑Гарденс шаҳрида жойлашган «Хард Рок Стэдиум»да ўтган беллашув қўшимча дақиқаларда 2:1 ҳисобида англияликлар фойдасига якунланди.
Ушбу ўйинда Эрлинг Холанд илк бор жаҳон чемпионати‑2026да гол ура олмади. У мусобақани 7 та гол билан якунлади ва ҳозирча тўпурарлар рўйхатида Лионель Месси ва Киллиан Мбаппе (уларнинг ҳар бири ҳисобида 8 тадан гол бор)дан кейин учинчи ўринни эгаллаб турибди.
Ярим финалда Англия Аргентинага қарши майдонга тушади.
