Deník: Чехияда икки автобус иштирокидаги ЙТҲ оқибатида 47 киши жабрланди
Чехияда Олексовице аҳоли пункти яқинида икки йўловчи автобусининг тўқнашуви оқибатида 47 киши жабрланди, деб ёзади Deník полиция ва минтақавий тез тиббий ёрдам хизматига таяниб.
Аниқлик киритилишича, авария шанба куни, 18 июль эрталаб содир бўлган. Полиция маълумотларига кўра, Брнодан Зноймога кетаётган автобус иккинчи даражали йўлдан асосий йўлга чиқаётган бошқа бир автобус билан тўқнашиб кетган.
Авария жойига 13 та тез тиббий ёрдам бригадаси, санитария вертолёти ва жабрланганларни оммавий эвакуация қилиш учун махсус автомобиллар юборилган.
