Доналд Трамп АҚШнинг сўнгги республикачи президенти бўлиши мумкинлигини айтди
Унинг сўзларига кўра, бундай ҳолат демократлар АҚШ Конгрессига бўлиб ўтадиган оралиқ сайловларда муваффақият қозонган тақдирда юз бериши эҳтимоли мавжуд.
«Агар демократлар Конгрессга оралиқ сайловларда ғалаба қозонса, унда мен, эҳтимол, сўнгги республикачи президент бўларман», — деди АҚШнинг амалдаги президенти Punchbowl Неwс нашрига берган интервюсида.
Шу билан бирга, Доналд Трамп республикачиларнинг ғалаба қозонишига ишонч билдириб, бунинг учун Сенат “ақллироқ” бўлишига тўғри келишини айтди.
Қўшма Штатлар Конгрессига оралиқ сайловлар жорий йилнинг 3 ноябрида бўлиб ўтади. Унда Сенатнинг учдан бир қисми ва Вакиллар палатаси тўлиқ қайта сайланади.
Ҳозирда АҚШ қонун чиқарувчи органининг ҳар иккала палатаси ҳам республикачилар назорати остида.
