Эйфель минораси диний гуруҳ ташрифи ортидан вақтинча фаолиятини тўхтатди
Reuters маълумотига кўра, шанба куни Эйфель минорасига ҳинду ташкилоти билан боғлиқ қарийб 100 нафар кишидан иборат гуруҳ ташриф буюрган. Делегация ўтиши вақтида аёл ходимлардан иш жойларини бўшатиш ва уларнинг ўрнига эркак ходимларни қўйиш сўралган.
Касаба уюшмаси вакили Диана Довуэннинг айтишича, ходимлардан бундай талаб қўйилгани норозиликка сабаб бўлган.
Эйфель минорасини бошқарувчи SETE компанияси делегация ташрифни аёллар билан алоқани имкон қадар камайтириш шарти асосида ташкил этишни сўраганини тасдиқлади.
Компаниянинг билдиришича, бундай шартларга рози бўлиш керак эмас эди. SETE бу талаблар ташкилотнинг қадриятлари ҳамда эркаклар ва аёллар ўртасидаги тенглик тамойилларига мос келмаслигини таъкидлади.
Шундан сўнг, душанба куни Эйфель минораси ташриф буюрувчилар учун ёпилди. Объектнинг вақтинча ёпилиши ушбу ҳолат юзасидан юзага келган вазият билан боғлиқ экани хабар қилинди.
Ҳодиса Францияда жамоат жойларида гендер тенглиги ва диний эътиқод билан боғлиқ талаблар ўртасидаги муносабатлар ҳақида баҳсларни яна кун тартибига олиб чиқди.
