Бектемир Мелиқўзиевнинг навбатдаги жанги санаси маълум бўлди
Ўзбекистонлик профессионал боксчи Бектемир Мелиқўзиев 6 ноябрь куни БААнинг Дубай шаҳрида рингга қайтади. У Muka Boxing томонидан ташкил этиладиган профессионал бокс оқшомида иштирок этади.
Иккинчи ўрта вазн тоифасида WBA чемпионлик камарига мажбурий даъвогар мақомида турган ҳамюртимиз титул учун жангни кутиш даврида яна бир баҳс ўтказишга қарор қилган.
Мелиқўзиев Хайме Мунгия ва Никита Зон ўртасидаги тўқнашувдан кейин чемпионлик имкониятини қўлга киритишни кутмоқда.
Ҳозирча ўзбекистонлик боксчининг Дубайдаги рақиби маълум эмас. Ташкилотчилар унинг номини яқин кунларда эълон қилиши кутилмоқда.
