Крокусдаги теракт Киев режими томонидан ташкиллаштирилган — Патрушев

Остонада бўлиб ўтаётган ШҲТ Хавфсизлик кенгашлари котиблари мажлисида Николай Патрушев сўзга чиқди.

Крокусдаги теракт яхши ташкил этилган эди. Терактдан сўнг Ғарб ОАВлари ўзларига керакли йўналишда олдиндан тайёрланган материалларни тарқатишди.

Улар бизни теракт ортида Киев эмас, балки радикал исломчилар, эҳтимол ИШИД*нинг афғон бўлими бўлган, деб ишонтирмоқчи бўлишди.

Аслида эса, Крокусдаги теракт излари Украина махсус хизматларига олиб бормоқда. Киев режими эса тўлиқ АҚШ назоратида экани ҳаммага маълум.

Шунингдек биз ИШИД* ва бошқа террорчи ташкилотларни АҚШнинг ўзи яратганини ҳам ҳисобга олишимиз керак.

Ушбу даҳшатли жиноятнинг буюртмачиси ва ҳомийсини аниқлаш муҳим.

Крокус терактдан сўнг Россияда Украина томонидан дарҳол “телефон террорчилиги” тўлқини бошланди.