Энг чиройли, энг дардли нарсага айланди бу лола!..

Ишонаверинг, худди шундай. Чунки одамзодга зиён етказадиган ҳар қандай нарса, кўриниши қанақа бўлишидан қатъи назар, ёмон. Бунга энди лола ҳам кирди. Асосан табиий ҳолда тоғларда ўсадиган лола одамни, айниқса, қиз-жувонларни ўзига оҳанрабодай тортади. Натижада қизларимиз уни узиб олишади. Пиёзи билан олмайди. Унақа қилиб оладиганлар жуда оз… Лолани узиб олдими, сал ўтмай қўлга тушади. Қарабсизки, жаримага тортилади. Демак, лола ўзининг чиройи билан, ҳа, фақатгина чиройи билан одамзодга зиён бераяпти. Бундан чиқди, у ёмон нарса!..