Банклар кредитни вақтида эмас, кечиктирилганда кўпроқ даромад қилаяпти — Марказий банк
Марказий банк тижорат банкларини кескин танқид қилди. Регуляторга кўра, айрим банклар кредит тўлови кечикканида уни даромад манбаига айлантириб олган.
Таҳлилларда қуйидагилар аниқланган:
— кечиктирилган тўловлар учун фоизлар йиллик 150–180% гача оширилмоқда;
— фоиз кечикса, чегарасиз кунлик пеня ҳисобланяпти;
— банк харажатларига алоқаси бўлмаган қўшимча жарималар қўлланяпти.
Марказий банк таъкидлашича, кечикиш учун қўлланиладиган чоралар банкка фойда келтириши эмас, фақат компенсацион бўлиши керак. Асосий тамойил — адолат ва мутаносиблик.
Қонунчилик талаблари қайта кўриб чиқилиши айтилди.
