Андижон вилоятида зилзила қайд этилди
Якшанба тонгда Андижон вилоятининг айрим туманларида зилзила содир бўлди. Унинг кучи эпицентр бўлган Марҳамат туманида 2−3 балл бўлиб сезилди.
9 август куни соат 08:33 да Андижон вилоятида зилзила содир бўлди. Бу ҳақда Сейсмопрогностик мониторинг маркази хабар қилди.
Зилзила кучи эпицентр бўлган Марҳамат туманида 2−3 балл бўлиб сезилди. Тошкентдан 276 км жануби-шарқдаги зилзила магнитудаси 3 га тенг бўлган, чуқурлиги 10 километрни ташкил этди.
Зилзила сезилган ҳудудлар:
– Марҳамат туманида 2−3 балл, 8 км;
– Булоқбоши туманида 2−3 балл, 10 км;
– Асака туманида 2 балл, 17 км;
– Хўжаобод туманида 2 балл, 22 км.
