Илон Маск вагонда яшаяптими?
Америкалик тадбиркор ва миллиардер Илон Маск ҳозирда Теннесси штатининг Мемфис шаҳрида, ўзининг хАI компаниясига тегишли маълумотлар маркази қурилиши ёнидаги Airstream вагонида яшаётганини айтди. Бу ҳақда Bild хабар берди.
“Мен ҳозир Мемфисда ўзим яшаётган қаср, яъни Airstream вагонидан алоқага чиқяпман”, дея ҳазиллашди Маск Аll-in Podcast эфирида.
Бу кўрсатувнинг яна бир иштирокчиси, SpaceX раиси Гвинн Шотвелл ҳам фикр билдирди. У Илон Маск фабрикада полда ухлаётгани ҳамда Мемфисда бинолар қурилишига ёрдам бераётганини таъкидлади.
Маск у ерда хАI компаниясининг сунъий интеллект тизимларини, жумладан, Grok чатботини ўқитиш ва ишлатиш учун мўлжалланган Colossus мажмуасини кенгайтириш жараёнида бўлиб турибди. хАI Мемфисдаги бу марказда сунъий интеллектни ўқитувчи серверлар ва компьютерлар сонини кўпайтирмоқда. Тизимнинг бир қисми эса ижара шартномалари асосида Google ва Anthropic компанияларига фойдаланишга берилган.
Лойиҳа устида жиддий ишлаётган вақтида ишлаб чиқариш ёнида яшаш Маск учун биринчи марта эмас. У илгари ҳам Tesla заводларида ҳамда ўз компанияларининг идораларида тунаб қолганини айтган эди.
