Японияга яна бир тайфун яқинлашмоқда
Японияда шу ҳафта охирида бошланадиган беш кунлик байрам дам олиш кунлари давомида тайфун яқинлашиши мумкин. Япония Метеорология агентлиги чоршанба куни Тинч океанидаги Мариана ороллари яқинида «Дуцзюань» тайфуни пайдо бўлганини маълум қилди. Бу ҳақда Kyodo агентлиги хабар берди.
Июнь ойидаги 25-чи тайфун шимол томон ҳаракатланиб, кучайиши мумкин. Синоптиклар унинг Япониянинг тўртта асосий оролидан энг каттаси — Хонсюга яқинлашиши эҳтимоли борлигини тахмин қилмоқда.
Япония вақти билан пайшанба куни эрталаб «Дуцзюань» тайфуни шимол-шарқ томон соатига 20 километр тезликда ҳаракатланаётган эди. Унинг марказидаги атмосфера босими 996 гектопаскальни ташкил этди.
Келгуси дам олиш кунларидан ташқари, Японияда кейинги ҳафтада бир нечта давлат байрамлари кетма-кет нишонланади. Дам олиш даври чоршанба, 23 сентябрь — Кузги тенгкунлик куни билан якунланади.
