Трамп Зеленскийнинг таклифини қўллаб-қувватлади
Қўшма Штатлар ҳукумати Россия ва Украина 30 кунлик тўхтатиш режимига рози бўлишига умид билдирмоқда. Бу ҳақда Оқ уй матбуот котиби Каролин Левитт баёнот берди.
Хабарда айтилишича, АҚШ президенти Доналд Трамп 8 май пайшанба куни Украина президенти Владимир Зеленский билан телефон орқали ушбу масалани муҳокама қилган.
«Европа бу таклифни қўллаб-қувватлаётганини биламиз ва икки мамлакат ҳам келгуси ҳафта ичида бунга розилик билдиришига умид қиламиз,» – деди Левитт.
