Танбаллик бўйича жаҳон чемпионати!.. (видео)
Бунинг учун фақатгина ётиш керак. Ҳатто бармоқларингизни қимирлатмайсиз. Шарт шуки, мабодо ухлаб қолсангизу, бир томонга ўгрилиб қўйсангиз ўйиндан чиқасиз. Чунки ҳаракатланиб қўйган ҳисобланасизда… Қийинми? Ҳа-а, қийин бўлганда қандоқ! Аммо Артём, барака топгур сабр-бардош билан танбалликда олдинда кетаяпди. Кўриб турисиз, у 8 соату 42 дақиқа мобайнида қилт этган йўқ. Ҳали яна жуда кўп вақт бемалол ётолади. Чунки шунчалик эринчоқки, мусобақа бошланмасидан олдин, бурни қичиб қолса бошқа бировга қаштиради. Овқатни чайнаб ейишга эринарди. Бир марта ҳатто эринганидан ҳаво ютмаган. Шундай экан, у чемпион бўлиши аниқ…
Энг қизиқ томони эса у бир тукини қимирлатмай юлдузга айланиши ва миллион-миллион доллар ишлаб олиши мумкин. Сабаби «Экс БезБет» ишга тушган. Одамлардан тинимсиз пул йиғаяпди. Албатта ўша йиғилган пулларнинг бир қисми Артёмнинг чўнтагига тушади. Пулни у қўлига олиб чўнтагига солиб ўтирмайди. Бошқа бировлар бу оғир юмушни унинг ўрнига бажаришади!..
