Арман қизнинг ўзбекча қўшиқ куйлагани интернетни «ёндириб» юборди (Видеофакт)
Ижтимоий тармоқларда арман миллатига мансуб ёш хонанданинг ўзбек тилида куйлаган видеоси кенг тарқалмоқда. У ўзбек эстрадаси юлдузи Шаҳзоданинг репертуаридаги энг сара хитлардан бири — «Ҳаёт айт» қўшиғини ижро этган.
Мазкур ижро нафақат хорижлик хонанданинг ўзбек тилидаги сўзларни бехато ва аниқ талаффуз қилгани, балки қўшиқнинг асл руҳиятини жуда нозик ҳис қилгани билан ҳам минглаб фойдаланувчиларнинг меҳрини қозонди.
