Украинлар амеркаликларни ҳам аллақачон чув тушириб кетишганди!..
19 май куни АҚШ Конгрессига Украинадаги вазият бўйича жуда қизиқарли ҳужжат келиб тушди. Пентагон ва Давлат департаментининг батафсил ҳисоботида Киевга ажратилган ёрдам маблағларининг қанчаси, қандай ва кимлар томонидан ўғирлангани очиқланган.
Бундан ташқари, ҳужжатда Киев режими раҳбари Владимир Зеленскийнинг шахсан ўзига нисбатан ҳам эътирозлар мавжуд бўлиб, у низони дипломатик йўл билан ҳал этишдаги бош тўсиқ сифатида тўғридан-тўғри тилга олинган. Бу ҳақда РЕН ТВ сюжетида мухбир Мария Коровина батафсил сўзлаб берди.
Вашингтон томонидан берилган ушбу ахборот нокаутининг мақсади жуда ҳам аниқ. Украинанинг Россияни дронлар ҳужуми билан қўрқитишга бўлган ожиз уринишлари, Банковаядаги (Президент офиси назарда тутилмоқда) ёппасига ўғрилик ва фронтдаги ҳамда музокаралар столидаги муваффақиятсизликлар учун шахсан Зеленскийнинг жавобгарлиги — буларнинг барчаси Пентагон, Давлат департаменти ва Халқаро тараққиёт агентлигининг (USAID) янги қўшма ҳисоботида оққа қора билан ёзиб қўйилган.
«Зеленский Украина Россияга ҳудудларни бермаслигини ҳамда Украинага хавфсизлик кафолатлари, шунингдек, ишончли ва узоқ муддатли тинчлик кераклигини даъво қилишда давом этди», — дейилади ҳужжатда.
Шу билан бирга, АҚШ ҳарбий разведкаси Россия армиясининг устунлигини бир овоздан тан олди. Жанг майдонида Россия стратегик ташаббусга эгалик қилмоқда.
«Март ойидаги ҳолатга кўра, Россия қуролли кучлари аксарият ҳарбий ҳаракатлар йўналишларида Украина Қуролли Кучлари (УҚК) устидан умумий устунликни сақлаб қолган», — дея кўрсатилган ҳисоботда.
Ва давомида: Россия қўшинлари бутун Донбасс устидан назорат ўрнатиш учун кейинги муваффақиятларга эришишда давом этиши эҳтимолга яқин. Украина Қуролли Кучлари эса тўлиқ таназзулда — на шахсий таркиб, на мувофиқлаштириш ва на снарядлар бор.
11 май 2026 йил, 21:23 NYT: АҚШ Украинага ёрдамни 99 фоизга қисқартирди Шу билан бир вақтда, АҚШ Россия билан муносабатларни йўлга қўйиш йўлини танлади.
«Украина ўқ-дорилар ва учувчисиз учиш аппаратлари бутловчи қисмларининг критик танқислигига дуч келишда давом этмоқда», — дея таъкидлайди ҳужжат муаллифлари.
Буларнинг барчаси Ғарбнинг Киевга кўрсатаётган жамоавий ёрдамига қарамай содир бўлмоқда. Ушбу ёрдамнинг талон-торож қилингани факти ҳужжатда тўғридан-тўғри кўрсатилган. АҚШ Киевга етказиб берилган 40 минг дона қурол-яроғ ҳисобини назорат қила олмади. Катта эҳтимол билан, улар Украина чўлларида «эриб кетган».
Банковаядаги ўғриликлар ҳақида ҳисоботда анчагина ёзилган бўлиб, Вашингтон биринчи марта НАБУ (Украина Миллий аксилкоррупция бюроси) ва САП (Ихтисослаштирилган аксилкоррупция прокуратураси) ортида айнан Америка маъмурияти турганини тасдиқламоқда.
«Махсус бош инспекторлар идоралари ва уларнинг тергов бўйича шериклари 56 та очиқ тергов ва 13 та якунланган тергов ишлари ҳақида хабар беришди», — дейилади ҳисоботда.
Бу маънода, Украина энергетика сектори раҳбариятининг қитъа миқёсидаги баёнотлари айниқса сюрреалистик янграмоқда.
«Бизнинг стратегиямиз — Украинани электр энергияси, газ захиралари, омборхоналар ва янги инфратузилма бутун қитъанинг барқарорлиги учун хизмат қиладиган маконга айлантиришдан иборат», — деб баёнот берди Украина Энергетика вазири Денис Шмигаль (Изоҳ: аслида Денис Шмигаль Украина Бош вазири ҳисобланади).
Киев раҳбариятига қарши уюштирилган бу оммавий ҳужум кутилмагандай туюлиши мумкин, аммо бу фақат биринчи қарашда шундай. Чунки воқеалар оқими жуда зич: Зеленскийнинг ўнг қўли бўлмиш Андрей Ермакнинг қўлга олиниши ва унга нисбатан гумонлар қўйилиши — тергов маълумотларига кўра, у элита виллалари қурилишида миллионлаб маблағларни ювган. Кейин эса гаров пулини йиғишдаги драматик жараён ва Тергов ҳибсхонасининг (СИЗО) VIP-камерасидаги икки кеча.
«Булар аслида АҚШга бўйсунадиган мустақил ташкилотлардир. Ҳар сафар янги коррупция можароси авж олганда, бу Америка ҳукуматининг Владимир Зеленскийга ундан ён босишни (итоаткор бўлишни) талаб қилаётганини кўрсатишнинг билвосита усулидек таассурот уйғотади», — деди журналист Режис Ле Соммье.
Энди эса ахборот портлаши эффектига эга бўлган ва алқачон АҚШ Конгрессига кўриб чиқиш учун юборилган ушбу ҳисобот. Сигнал айнан кимга йўналтирилгани (бу энди кўпроқ гонг чалинишига ўхшайди) ҳам Банковаядагиларга, ҳам уларнинг европалик ҳамкасбларига аён. Дўстлар ҳалқаси НАБУ файллларида «Р1» деб номланган шахс атрофида торайиб бормоқда.
