Арманистонда парламент сайловларида 2012 йилдан бери энг юқори иштирок қайд этилди
Арманистон Марказий сайлов комиссиясиясининг маълум қилишича, маҳаллий вақт билан соат 11:00 ҳолатига кўра сайловларда иштирок этганлик даражаси 14,48 фоизни ташкил қилди. Бу 2021 йилги сайловларнинг шу вақтдаги кўрсаткичидан деярли 2,5 фоиз пунктига юқори.
The Insider нашри ҳисоб-китобларига кўра, жорий иштирок кўрсаткичи камида 2012 йилдан бери энг юқориси бўлди: 2018 йилда соат 11:00 гача сайловчиларнинг 7,76 фоизи, 2017 йилда эса 13,32 фоизи овоз берган эди. Мамлакатда сайлов участкалари маҳаллий вақт билан соат 08:00 да очилди ва соат 20:00 гача ишлайди, шундан сўнг овозларни санаш бошланади.
Дастлабки натижалар тунги вақтда маълум бўлиши кутилмоқда. Сайлов рўйхатларига деярли 2,5 миллион фуқаро киритилган, овоз бериш учун икки мингдан ортиқ участка очилган; жараённи маҳаллий ва халқаро кузатувчилар кузатиб борди. Партиялар парламентга кириши учун камида 4 фоиз, блоклар эса таркибига қараб 8 фоиздан 10 фоизгача овоз тўплаши керак, дейилади хабарда.
