Японияга кучли тайфун яқинлашмоқда: ҳукумат аҳолини эвакуация қилишга чақирди
Япония Ички ишлар вазирлиги маълумотларига кўра, эвакуация тўғрисидаги кўрсатма олтита префектурадаги 1 908 645 кишига тааллуқли: Ибараки, Тиба, Токио, Канагава, Сидзуока ва Сайтама.
Эвакуация мажбурий эмас, бироқ Япония метеорология агентлиги айрим ҳудудларда ҳаёт учун бевосита хавф мавжудлигидан огоҳлантирмоқда.
💬 «Илтимос, ҳозир бўлиб турган муниципалитетингизда табиий офат хавфи даражасини текширинг ва маҳаллий ҳокимият расмий эвакуация буйруғини эълон қилишидан олдин хавфсиз жойга кўчинг», — деб чақирди агентлик бош синоптики Такия Хосоми.
Унинг сўзларига кўра, тайфун кутилганидан ҳам кучли бўлиб чиққан.
