АҚШ Эронни огоҳлантирмоқда
Қўшма Штатлар Исроилнинг Дамашқдаги зарбасидан кейин Эронни Яқин Шарқдаги Америка кучларига ҳужум қилмаслик ҳақида огоҳлантирди.
Бу ҳақда АҚШ Давлат департаменти матбуот хизмати раҳбари Мэтью Миллер маълум қилди.
“Биз Эрон ҳукуматига ушбу воқеадан АҚШ қўшинлари ёки АҚШнинг минтақадаги активларига ҳужум қилиш учун баҳона сифатида фойдаланмаслиги кераклигини айтдик. Ва биз уларга вазиятни кескинлаштириш учун ҳеч қандай чора кўрмасликлари кераклигини тушунтиришда давом этамиз”, — дея унинг сўзларини келтиради ТАСС.
