General Motors (GM) концерни Хитойда Chevrolet русумидаги автомобиллар сотуви тўхтатилишини эълон қилди
GM China бўлинмасининг хабар қилишича, SAIC Motor билан қўшма корхонада Chevrolet автомобилларини ишлаб чиқариш давом этади, лекин улар Яқин Шарқ, Африка, Жанубий Америка, Мексика ва Осиё-Тинч океани ҳудудида сотувга чиқарилади.
Хитой енгил автомобиллар ассоциациянинг маълумотига кўра, Хитойда Chevrolet экспорти биринчи ярим йилликда 6,9%га ўсган.
Сўнгги йилларда Хитой бозорида Chevrolet ўз мавқеини йўқотмоқда. 2014 йилда 760 минг дона автомобил сотилган бўлса, 2025 йилда 9 минг донага яқин автомобил сотилган.
Март охирларида Skoda компанияси Хитойни тарк этишини эълон қилганди. Компания 15 йил аввал Хитойда йилига 300 минг дона автомобил сотган бўлса, 2025 йилда сотув 15 минг донага тушиб кетган.
