АҚШ вице-президенти Зеленскийдан Россия нефтни қайта ишлаш заводларига ҳужумни тўхтатишни сўради

Нашрнинг Қўшма Штатлар ҳукуматидаги манбаларига кўра, Камала Ҳаррис 2024 йил февралида Мюнхен хавфсизлик конференциясида Украина президенти Зеленский билан учрашган ва Киевдан Россия нефтни қайта ишлаш заводларига ҳужум қилишдан тийилишни сўраган.

Оқ уй расмийларининг фикрича, Россия нефтни қайта ишлаш заводларига қилинган ҳужумлар глобал энергия нархининг ошишига олиб келиши ва Россиянинг Украинага нисбатан янада тажовузкор ҳаракатларига сабаб бўлиши мумкин.

“Вице-президентнинг сўрови Зеленский ва унинг жамоасини “ғазаблантирган”. Украина президенти Харриснинг тавсиясини Жо Байден маъмуриятининг ягона позициясини акс эттириши ёки йўқлигини ўрганмай туриб, уни эътиборсиз қолдирган. Кейинги ҳафталарда Вашингтон Киев билан бўлган кўплаб суҳбатларида бу огоҳлантиришни такрорлади”, деб ёзади газета.

2024 йилнинг бошидан бери Украина дронлари Россиянинг нефтни қайта ишлаш заводлари ва нефт омборларига 10 дан ортиқ ҳужум уюштирди.

Дўстларингизга ҳам юборинг: