Моуриньо «Реал»даги ишини тезроқ бошлашни истамоқда
Жозе Моуриньо яқин вақт ичида Мадриднинг «Реал» клуби бош мураббийига айланиши кутилмоқда.
Маълумотларга кўра, португалиялик мутахассис билан келишув май ойидаёқ амалга ошган. Бироқ клуб президенти Флорентино Перес 7 июнь куни президентлик сайловларини ўтказишга қарор қилгани сабабли расмий тайинлов кечиктирилган.
«Diario AS» нашри хабарига кўра, Моуриньо ушбу кечикиш туфайли икки ҳафтага яқин қимматли вақт йўқотилган деб ҳисобламоқда. У бу вақт ичида жамоа билан иш бошлаши мумкин эди.
Энди сайловлар якунланиб, Перес яна президент этиб сайланганидан кейин, мураббий ўз вазифасига тезроқ киришишни истамоқда.
Агар тайинлов амалга ошса, Моуриньо 13 йилдан сўнг «Реал»га қайтади. У 2025/26 йилги мавсум тугагач лавозимини тарк этган Альваро Арбелоа ўрнини эгаллайди.
