АҚШ Эрон нефти савдоси учун 60 кунлик лицензия берди
Қўшма Штатлар Молия вазирлиги Эрон нефти ва нефт маҳсулотларини ишлаб чиқариш, етказиб бериш ҳамда сотиш учун 2026 йилнинг 21 августигача амал қилувчи бош лицензияни тақдим этди.
«Швейцариядаги самарали музокараларга мувофиқ, Эрон Ҳўрмуз бўғозида эркин ва очиқ транзитни таъминлаш ҳамда Халқаро атом энергияси агентлиги инспекторларининг ўз мамлакатига киришига рухсат бериш мажбуриятини олди», – деб ёзди АҚШ молия вазири Скотт Бессент X тармоғида.
Таъкидланишича, Вашингтоннинг Эрон нефти билан боғлиқ амалиётлар учун берган лицензияси Шимолий Корея ва Кубага тааллуқли эмас.
