Зеленский Беларусдан Россия армиясига ёрдам беришни тўхтатишни яна талаб қилмоқда – ОАВ
Украина телемарафонига берган интервьюсида Володимир Зеленский разведка ва ҳарбий каналлар орқали Минскка Россия Қуролли кучларига ёрдам беришни тўхтатиш бўйича мурожаат юборганини маълум қилди. Хусусан, у Беларус ҳудудида ўрнатилган ва Москванинг Киевга қарши дрон зарбаларини йўналтиришга ёрдам берадиган ретрансляторларни тилга олди.
«Лукашенко бу маълумотни олган ва у деэскалацияни фақат «узр сўрайман» деган сўзлар билан эмас, балки амалда кўрсатиши керак. Ўзининг «узр»ини ўзида сақлаб қолсин: у урушнинг биринчи кунидан кейин ишламайди», — деди Зеленский.
У агар Беларус ретрансляторларни демонтаж қилмаса ва буни Киевга кўрсатмаса, Украина буни «ўзи ҳал қилишини» билдириб, таҳдид қилди.
«Шунингдек, биз сигнал беряпмиз: Россия армияси учун ёқилғи етказиб беришни тўхтатинг. Бу ерда ҳеч қандай таҳдид йўқ. Биз шунчаки буни кўриб турганимизни айтяпмиз. Биринчи қадамлар доимо оммавий бўлмайди, кейингилари эса бошқача бўлади», — дея қўшимча қилади Зеленский.
